Xavier Seoane (A Coruña, 1954) é profesor de Lingua e Literatura na Coruña. É un dos nomes máis recoñecidos da poesía galega dos anos oitenta, cunha traxectoria avalada por distintos galardóns. Colaborador de varias revistas, en especial Luzes de Galiza, que dirixiu xunto a Manolo Rivas, Seoane deuse a coñecer como poeta en 1981 con Os bosques encendidos, ao que seguiron títulos como Iniciación e regreso (1985), Eu tamén oín as voces do orvallo (1994), e Don do horizonte (1999).
