Notre dame du fakir (p. 7) -- Posterapia (p. 10) -- Venusen zapatilak (p. 19) -- Kuros hilkorra (p. 49) -- Hotzean ere bero (p. 47) -- Hortus conclusus (p. 71) -- Mezuak telegonoan (p.95)
Gertatuko zitzaizun noizbait: entzuten duzu esaldi bat eta hitzek, laser isil nahiz indartsu baten antzera, zainak ireki, zainen barruan sartu, atzera zainak itxi eta odolean txertatuta geratzen zaizkizu, burutik behatzetarainoko buelta etengabean. Agian esaldia izan beharrean, pertsona bat da: ezagutu duzu, eta zure bihotzean hartzen du aparkalekua. Edo egokitu zaizu ezusteko egoera bat, adibidez, Arte Ederretan lizentziatua izanik gasolindegi batean lanean aritzea, eta jasangarria egiteko errealitateak asmatzen dituzu.
Horrelakoa da Gasolindegian hau: leku bat, bai; zazpi kontakizun, bai; eta aldi berean gure barruan burutik behatzetaraino buelta amaigabean dabilen guztia.
YURRE UGARTE. Tolosan jaioa. Irunen errotu eta bertan bizi da. Gidoigilea da 1991ez geroztik. Literaturan, antzerki-testuak idatzi ditu (Himalaya Blues, 2006; Ezin ihesi, 2007), Gasolindegian narrazio-bilduma (ALBERDANIA, 2010), eta haur eta gazte literatura eta komiki-liburuak ere. 2019an, bere gidoia eta Joseba Larratxeren marrazkiak uztartzen dituen Joana Maiz eleberri grafikoa argitaratu zuen. Ikus-entzunezkoen arloan, luzaroan izan zen fikziozko telesailen sortzaile, gidoilari eta editorea ETB, Tele5, TV3 edota Telemadrid-en produkzioetan. Film laburrak ere idatzi eta zuzendu zituen.
