¡Ánimo! Van actuar para vós. Imaxinade que se abre o pano e vedes o escenario: ¡Que bulicio! ¡Vaia xuntanza de animais curiosos! Un gato-tendeiro algo lerias, un porco orgulloso, un galo coqueto..., ¿como a pequena ratiña presumida atopará un noivo xeitoso entre eses elementos? Ou logo isto: un raposo moi listo que organiza unha festa, para probar quén cae na trampa que preparou o moi malón... ¡Adiante! ¡A divertirse!
Naceu en Vilagarcía de Arousa en 1958. Esta escritora especializada en literatura infantil publicou xa un amplo número de títulos desde que en 1990 recibiu o Premio Merlín por Fafarraios. Desde entón apareceron entre outros Rimas con letras, Bichos con gaseosa, Chinto e Tom, Farangulla e Teatro feroz.
