MARTÍNEZ, R. A.
Introducción O proxecto McGrawHill para a área de Matemáticas ofrece unha serie de materiais adaptados ás esixencias curriculares e ás necesidades do ensino actual. Estes materiais incorporan todos aqueles elementos imprescindibles para que o profesorado atope neles un soporte sólido e completo que facilite a súa tarefa na aula. Esta liña editorial caracterízase pola continuidade e coherencia na secuenciación dos contidos, con textos claros e precisos, reforzados cunha ampla gama de exemplos, exercicios e actividades que favorecen a asimilación dos conceptos, ademais de toda unha liña de materiais complementarios e unhas útiles propostas didácticas. Descripción Este libro está moi pensado para os alumnos que comezan o seu segundo ciclo de Secundaria e deben ter unha base sólida e boa de matemáticas para o seu éxito académico. Se hai algo fortemente destacable neste libro son dúas cuestións: o seu rigor matemático e a súa gran diversidade de exercicios e actividades. Busca xeneralizacións, introducindo ao alumno nas súas primeiras demostracións rigorosas, serias, pero á vez claras. Intentáronse sempre utilizar as fórmulas na súa forma xenérica, non simplemente con exemplos, iniciando de forma progresiva, ao alumno, na linguaxe matemática. Pola súa vez, tendo en conta que vai dirixido a rapaces que teñen 15 anos e que o seu razoamento abstracto non está desenvolvido de todo, hai gran cantidade de exemplos e exercicios resoltos en cada unidade. Todo isto vai acompañado dunha media de 100 actividades, exercicios e problemas por cada unidade. Así o profesor pode en cada momento elixir as actividades máis acordes co seu alumnado, podendo variar dun ano para outro ao ser imposible realizar todos os exercicios nun só curso. Por iso o alumno sempre terá exercicios de máis para poder desenvolver e practicar o aprendido. Tabla de Contenidos 1. Números racionais. 2. Polinomios. 3. Ecuacións de primeiro e segundo grao. 4. Sistemas de ecuacións lineais. 5. Sucesións e progresións. 6. Funcións I. 7. Funcións II. 8. Xeometría do plano. 9. Translacións e xiros. 10. Simetrías. 11. Poliedros. 12. Áreas e volumes dos corpos xeométricos. 13. Terminoloxía estatística. 14. Experimentos deterministas e aleatorios.