ROSALÍA DE CASTRO: IMAXE E REALIDADE

ROSALÍA DE CASTRO: IMAXE E REALIDADE

Editorial:
EDICIÓNS XERAIS DE GALICIA, S.A.
Año de edición:
Materia BIC
Pintura y pinturas
ISBN:
978-84-9914-565-5
Páginas:
208
Encuadernación:
Rústica
Disponibilidad:
Sin stock. Entrega estimada en 5/7 días.

22,00 €
Comprar

En dólares:

$ 30,36
Sin stock. Entrega estimada en 5/7 días.

Este libro constitúe o primeiro estudo iconográfico dedicado a Rosalía de Castro e pertence a un xénero bibliográfico un tanto distinto, que poderiamos chamar iconografía documental. Nel analízanse algunhas das interpretacións que da imaxe e do espírito da poeta fixeron os artistas plásticos de distintas épocas que axudaron a identificala plenamente.
A través da lectura das representacións iconográficas rosalianas, móstranse as súas múltiples facetas (Rosalía a lapis e a óleo; Rosalía en cor ou en branco e negro; Rosalía como retrato realista ou caricatura; Rosalía como musa ou como símbolo...), procurando conxugar a calidade do retrato co seu carácter representativo e coa diversidade formal e tratando, ao mesmo tempo, de darlle unha verdadeira historicidade que vaia máis alá dos lugares comúns preponderantes nos últimos anos.
Unha escolma de retratos coa finalidade de que o estudoso ou o interesado por esta cuestión dispoña dun repertorio útil e axeitado para examinar as diversas modalidades que os artistas tentearon ao longo dos anos.
Todo o material icónico que xerou a poeta contribuíu e contribúe a que a súa figura sobreviva no tempo e alcance unha maior popularidade e visibilidade. E isto é importante, pero o máis interesante do «fenómeno Rosalía» é que esta imaxe parece ter hoxe unha vixencia inusual, chegando a converterse, sen dúbida, nunha peza fundamental do noso imaxinario colectivo, na maior icona visual de Galicia.

PEREIRA BUENO, FERNANDO
Fernando Pereira Bueno (Santiago de Compostela, 1957), licenciado en Xeografía e Historia pola Universidade de Santiago de Compostela na especialidade de Historia da Arte, é profesor de Ciencias Sociais no IES Carlos Casares de Vigo. Publicou varios traballos relacionados coa historia das ensinanzas e institucións artísticas na nosa comunidade e sobre a presenza das mulleres pintoras na arte galega.